اليوم قدر الله علي و كنت احوس باليوتيوب مدري وش خذاني يم سيول الخرج و الرياض و الانقاذمن مقطع لمقطع
و انا قلبي يتقطع على شباب في يوم حاجتهم كانو لنا دروع وحزام
ما يحترون لا شكر و لا مكافئة و لا حتى يحترون مننا نطريهم
كان دافعهم اغاثة ملهوف
كان دافعهم نخوة
اخلصو لله في عملهم
وش كان جزائهم مننا؟؟؟
نلقبهم بالدشير
نحرمهم من المجمعات
نطردهم من اي مكان يتحركون فيه بحريه
ربطناهم حسسناهم بانهم ثقل علينا
غير مرغوب فيهم
كل مطلب لهم باحترام حقوقهم يقابل مننا بنظرة احتقار
حكمنا جاهز (((( دشير مالهم حق ))))
ابسط حقوقهم يكون للواحد وظيفة يفرغ فيها طاقتة
و هذي بعد اسبوعين تلقون فتوى بتحريمها
لانها بس طلعت بصوتهم
و الله وضعكم مبكي
وربي حالكم يعصر قلوبنا عليكم
ياليت نقدر ننفعكم بشي يريحكم يبسطكم ينفعكمو تاكدو الي يسركم يسرنا
بس ياليت ادري وش نقدر نقدم لكم
جيت اليوم اقول هالكلمتين لانها ضايقة بصدري
و انا اعرف كلام بدون فعل ما منه فود
قد قلت كلام اعيدة
الي بيدي اعمل لكم مشروع يعود على الشباب بالفايدة
ياليت القى فكرة تنفع تنفذ
مهما كانت الفكرة نقدر نطوعها لمصلحتكم
تاكدو ما اقول كلمة الا انا قدها و يشهد علي الله اني اسعى لتنفيذها بكل السبل و الوسايل
انا لو اعرف معاناتكم بكل تفاصيلها ما كان احتجت رايكم لاكن تبقون انتو ادرى بوضعكم
لا تشرهون على موضوعي ترى من جد متضايقة و الضيقة تربط اللسان
خذو زبدة الحكي و اتركو ما زاد
واحلف لكم يمين بالله اني جادة بكلامي لا تقرون و تقولون شبعنا من الكلام انا اوعدكم وعد اني ابذل كل ما بوسعي
يالربع ترى فكرة منكم اذا صارت واقع تخيلو كم شخص بينتفع منها
كم شخص بيكون سبب في حمايته من شغل وقته الي لو كان فاضي بيكون هالوقت وبال عليه اما في مخدرات او غيرها
طيب وش تقدر تسوي على شان نقول لك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ معليش اخوي مدري اختي ابو الشباب اول الموضوع وسمحنا لك والباقي معصي لانك موب من شلتنا ... اذا كانك من الشله يمدحون تسجيل الدخول واما اذا كانك موب من الشله وش رايك تسجل معنا وتسدح وتبطح على كيفك في كل المواضيع وببلاش واذا كانك خطير بعد نعطيك هديه ونسوي لك حفله على حسابك
ً (
سجل من هونا )
اقتباس معليش اخوي مدري اختي ابو الشباب اول الموضوع وسمحنا لك والباقي معصي لانك موب من شلتنا ... اذا كانك من الشله يمدحون تسجيل الدخول واما اذا كانك موب من الشله وش رايك تسجل معنا وتسدح وتبطح على كيفك في كل المواضيع وببلاش واذا كانك خطير بعد نعطيك هديه ونسوي لك حفله على حسابك
ً (
سجل من هونا )
الله يرفع قدركم يا شبابنا ممكن تشاركونا؟؟؟ 
اقتباس
معليش اخوي مدري اختي ابو الشباب اول الموضوع وسمحنا لك والباقي معصي لانك موب من شلتنا ... 
العرض العادي
